main jo roya un ki aankhon mein bhi aansu aa gae
husn ki fitrat mein shamil hai mohabbat ka mizaj

Anwar Sabri

---

---

shab-e-firaq ki zulmat hai na-gawar mujhe
naqab uTha ki sahar ka hai intizar mujhe

Anwar Sabri

---

---

tamam umr qafas mein guzar di hum ne
KHabar nahin ki nasheman ki zindagi kya hai

Anwar Sabri

---

---

tasawwur ke sahaare yun shab-e-gham KHatm ki main ne
jahan dil ki KHalish ubhri tumhein aawaz di main ne

Anwar Sabri

---

---

uf wo aankhen marte dam tak jo rahi hain ashk-bar
hae wo lab umr bhar jin par hansi dekhi nahin

Anwar Sabri

---

---

uf wo masum o haya-rez nigahen jin par
qatl ke baad bhi ilzam nahin aata hai

Anwar Sabri

---

---

waqt jab karwaTen badalta hai
fitna-e-hashr sath chalta hai

Anwar Sabri

---

---

zulmaton mein raushni ki justuju karte raho
zindagi bhar zindagi ki justuju karte raho

Anwar Sabri

---

---

aadmiyat ke siwa jis ka koi maqsad na ho
umr bhar us aadmi ki justuju karte raho

Anwar Sabri

---

---