umr guzri hai iltija karte
qissa-e-gham lab-ashna karte
jine wale tere baghair ai dost
mar na jate to aur kya karte
hae wo qahr-e-sadgi-amez
kash hum phir unhen KHafa karte
rang hota kuchh aur duniya ka
shaiKH mera agar kaha karte
aap karte jo ehtiram-e-butan
but-kade KHud KHuda KHuda karte
rind hote jo ba-shuur 'anwar'
kya bataun tumhein wo kya karte
Ghazal
Umr guzri hai iltija karte
Anwar Sabri