dil sulagta hai tere sard rawayye se mera
dekh ab barf ne kya aag laga rakkhi hai

Anwar Masood

---

---

aaina dekh zara kya main ghalat kahta hun
tu ne KHud se bhi koi baat chhupa rakkhi hai

Anwar Masood

---

---

e-hirs-o-gharaz qarz ada kijiye apna
jis tarah police karti hai chaalan waghaira

Anwar Masood

---

---

'anwar' us ne na main ne chhoDa hai
apne apne KHayal mein rahna

Anwar Masood

---

---

'anwar' meri nazar ko ye kis ki nazar lagi
gobhi ka phul mujh ko lage hai gulab ka

Anwar Masood

---

---

ajib lutf tha nadaniyon ke aalam mein
samajh mein aain to baaton ka wo maza bhi gaya

Anwar Masood

---

---

ai dil-e-nadan kisi ka ruThna mat yaad kar
aan Tapkega koi aansu bhi is jhagDe ke bich

Anwar Masood

---

---

aastinon ki chamak ne hamein mara 'anwar'
hum to KHanjar ko bhi samjhe yad-e-baiza hoga

Anwar Masood

---

---

aasman apne iradon mein magan hai lekin
aadmi apne KHayalat liye phirta hai

Anwar Masood

---

---