nind ka kaam garche aana hai
meri aankhon mein par nahin aati

Anwar Dehlvi

---

---

nazar aae kya mujh se fani ki surat
ki pinhan hun dard-e-nihani ki surat

Anwar Dehlvi

---

---

nakaami-e-visal ka paigham hai mujhe
shirin ka zikr bhi na karo kohkan ke sath

Anwar Dehlvi

---

---

na main samjha na aap aae kahin se
pasina pochhiye apni jabin se

Anwar Dehlvi

---

---

miTTi KHarab hai tere kuche mein warna hum
ab tak to jis zamin pe rahe aasman rahe

Anwar Dehlvi

---

---

allah-re fart-e-shauq-e-asiri ki shauq mein
pahron uTha uTha ke salasil ko dekhna

Anwar Dehlvi

---

---

meri numud se paida hai rang-e-nakaami
pisa hua hun kisi ke hina lagane ka

Anwar Dehlvi

---

---

main giraftar-e-wafa hun chhuT ke jaunga kahan
baal bandha chor hun har tar-e-zulf-e-yar ka

Anwar Dehlvi

---

---

kuchh KHabar hoti to main apni KHabar kyun rakhta
ye bhi ek be-KHabari thi ki KHabar-dar raha

Anwar Dehlvi

---

---