hona paDa hai KHugar-e-gham bhi KHushi ki KHair
wo mujh pe mehrban hain magar be-ruKHi ke sath

Ameer Qazalbash

---

---

har qadam pe nakaami har qadam pe mahrumi
ghaaliban koi dushman doston mein shamil hai

It was as if amidst my friends there was an enemy
A failure and deprived at every step did I remain

Ameer Qazalbash

---

---

ek KHabar hai tere liye
dil par patthar bhaari rakh

Ameer Qazalbash

---

---

apne hamrah KHud chala karna
kaun aaega mat ruka karna

Ameer Qazalbash

---

---

ab sipar DhunD koi apne liye
tir kam rah gae kamanon mein

Ameer Qazalbash

---

---

aaj ki raat bhi guzri hai meri kal ki tarah
hath aae na sitare tere aanchal ki tarah

Ameer Qazalbash

---

---