monis-e-shab rafiq-e-tanhai
dard-e-dil bhi kisi se kam to nahin

Ali Jawwad Zaidi

---

---

hijr ki raat ye har Dubte tare ne kaha
hum na kahte the na aaenge wo aae to nahin

Ali Jawwad Zaidi

---

---

jab chheDti hain un ko gumnam aarzuen
wo mujh ko dekhte hain meri nazar bacha ke

Ali Jawwad Zaidi

---

---

jab kabhi dekha hai ai 'zaidi' nigah-e-ghaur se
har haqiqat mein mile hain chand afsane mujhe

Ali Jawwad Zaidi

---

---

jin hauslon se mera junun mutmain na tha
wo hausle zamane ke meyar ho gae

Ali Jawwad Zaidi

---

---

lazzat-e-dard mili ishrat-e-ehsas mili
kaun kahta hai hum us bazm se nakaam aae

Ali Jawwad Zaidi

---

---

mere hath suljha hi lenge kisi din
abhi zulf-e-hasti mein KHam hai to kya gham

Ali Jawwad Zaidi

---

---

pi to lun aankhon mein umDe hue aansu lekin
dil pe qabu bhi to ho zabt ka yara bhi to ho

Ali Jawwad Zaidi

---

---

ye dushmani hai saqi ya dosti hai saqi
auron ko jam dena mujh ko dikha dikha ke

Ali Jawwad Zaidi

---

---