miT chale meri umidon ki tarah harf magar
aaj tak tere KHaton se teri KHushbu na gai

Akhtar Shirani

---

---

mujhe hai e'tibar-e-wada lekin
tumhein KHud e'tibar aae na aae

Akhtar Shirani

---

---

mujhe donon jahan mein ek wo mil jaen gar 'aKHtar'
to apni hasraton ko be-niyaz-e-do-jahan kar lun

Akhtar Shirani

---

---

muddaten ho gain bichhDe hue tum se lekin
aaj tak dil se mere yaad tumhaari na gai

Akhtar Shirani

---

---

mubarak mubarak naya sal aaya
KHushi ka saman sari duniya pe chhaya

Akhtar Shirani

---

---

mohabbat ke iqrar se sharm kab tak
kabhi samna ho to majbur kar dun

Akhtar Shirani

---

---

kucha-e-husn chhuTa to hue ruswa-e-sharab
apni qismat mein jo likkhi thi wo KHwari na gai

Akhtar Shirani

---

---

kuchh is tarah se yaad aate rahe ho
ki ab bhul jaane ko ji chahta hai

Akhtar Shirani

---

---

kuchh to tanhai ki raaton mein sahaara hota
tum na hote na sahi zikr tumhaara hota

Akhtar Shirani

---

---