shabab-e-dard meri zindagi ki subh sahi
piyun sharab yahan tak ki sham ho jae

Akhtar Ansari

---

---

meri KHabar to kisi ko nahin magar 'aKHtar'
zamana apne liye hoshiyar kaisa hai

Akhtar Ansari

---

---

ang o bu mein Dube rahte the hawas
hae kya shai thi bahaar-e-arzu

Akhtar Ansari

---

---

agon mein dauDti hain bijliyan lahu ke ewaz
shabab kahte hain jis chiz ko qayamat hai

Akhtar Ansari

---

---

oe baghair chaara na rone ki tab hai
kya chiz uf ye kaifiyat-e-iztirab hai

Akhtar Ansari

---

---

samajhta hun main sab kuchh sirf samjhana nahin aata
taDapta hun magar auron ko taDpana nahin aata

Akhtar Ansari

---

---

shabab nam hai us jaan-nawaz lamhe ka
jab aadmi ko ye mahsus ho jawan hun main

Akhtar Ansari

---

---

wo mazi jo hai ek majmua ashkon aur aahon ka
na jaane mujh ko is mazi se kyun itni mohabbat hai

Akhtar Ansari

---

---

yaron ke iKHlas se pahle dil ka mere ye haal na tha
ab wo chaknachur paDa hai jis shishe mein baal na tha

Akhtar Ansari

---

---