شباب درد مری زندگی کی صبح سہی
پیوں شراب یہاں تک کہ شام ہو جائے

اختر انصاری

---

---

مری خبر تو کسی کو نہیں مگر اخترؔ
زمانہ اپنے لیے ہوشیار کیسا ہے

اختر انصاری

---

---

رنگ و بو میں ڈوبے رہتے تھے حواس
ہائے کیا شے تھی بہار آرزو

اختر انصاری

---

---

رگوں میں دوڑتی ہیں بجلیاں لہو کے عوض
شباب کہتے ہیں جس چیز کو قیامت ہے

اختر انصاری

---

---

روئے بغیر چارہ نہ رونے کی تاب ہے
کیا چیز اف یہ کیفیت اضطراب ہے

اختر انصاری

---

---

سمجھتا ہوں میں سب کچھ صرف سمجھانا نہیں آتا
تڑپتا ہوں مگر اوروں کو تڑپانا نہیں آتا

اختر انصاری

---

---

شباب نام ہے اس جاں نواز لمحے کا
جب آدمی کو یہ محسوس ہو جواں ہوں میں

اختر انصاری

---

---

وہ ماضی جو ہے اک مجموعہ اشکوں اور آہوں کا
نہ جانے مجھ کو اس ماضی سے کیوں اتنی محبت ہے

اختر انصاری

---

---

یاروں کے اخلاص سے پہلے دل کا مرے یہ حال نہ تھا
اب وہ چکناچور پڑا ہے جس شیشے میں بال نہ تھا

اختر انصاری

---

---