koi roe to main be-wajh KHud bhi rone lagta hun
ab 'aKHtar' chahe tum kuchh bhi kaho ye meri fitrat hai

Akhtar Ansari

---

---

aarzu ko ruh mein gham ban ke rahna aa gaya
sahte sahte hum ko aaKHir ranj sahna aa gaya

Akhtar Ansari

---

---

jab se munh ko lag gai 'aKHtar' mohabbat ki sharab
be-piye aaThon pahar madhosh rahna aa gaya

Akhtar Ansari

---

---

is mein koi mera sharik nahin
mera dukh aah sirf mera hai

Akhtar Ansari

---

---

ilaj-e-'aKHtar'-e-na-kaam kyun nahin mumkin
agar wo ji nahin sakta to mar to sakta hai

Akhtar Ansari

---

---

han kabhi KHwab-e-ishq dekha tha
ab tak aankhon se KHun Tapakta hai

Akhtar Ansari

---

---

dusron ka dard 'aKHtar' mere dil ka dard hai
mubtala-e-gham hai duniya aur main gham-KHwar hun

Akhtar Ansari

---

---

dil-e-fasurda mein kuchh soz o saz baqi hai
wo aag bujh gai lekin gudaz baqi hai

Akhtar Ansari

---

---

apni ujDi hui duniya ki kahani hun main
ek bigDi hui taswir-e-jawani hun main

Akhtar Ansari

---

---