hoti hai sham aankh se aansu rawan hue
ye waqt qaidiyon ki rihai ka waqt hai

Ahmad Mushtaq

---

---

ek raat chandni mere bistar pe aai thi
main ne tarash kar tera chehra bana diya

Ahmad Mushtaq

---

---

ek zamana tha ki sab ek jagah rahte the
aur ab koi kahin koi kahin rahta hai

Ahmad Mushtaq

---

---

is marke mein ishq bechaara karega kya
KHud husn ko hain jaan ke lale paDe hue

Ahmad Mushtaq

---

---

ishq mein kaun bata sakta hai
kis ne kis se sach bola hai

Ahmad Mushtaq

---

---

jaane kis dam nikal aae tere ruKHsar ki dhup
muddaton dhyan tere saya-e-dar par rakkha

Ahmad Mushtaq

---

---

jab sham utarti hai kya dil pe guzarti hai
sahil ne bahut puchha KHamosh raha pani

Ahmad Mushtaq

---

---

jahan Dale the us ne dhup mein kapDe sukhane ko
Tapakti hain abhi tak rassiyan aahista aahista

Ahmad Mushtaq

---

---

jahan-e-ishq se hum sarsari nahin guzre
ye wo jahan hai jahan sarsari nahin koi shai

Ahmad Mushtaq

---

---