dil fasurda to hua dekh ke us ko lekin
umr bhar kaun jawan kaun hasin rahta hai

Ahmad Mushtaq

---

---

dukh ke safar pe dil ko rawana to kar diya
ab sari umr hath hilate rahenge hum

Ahmad Mushtaq

---

---

ek lamhe mein bikhar jata hai tana-bana
aur phir umr guzar jati hai yakjai mein

Ahmad Mushtaq

---

---

gum raha hun tere KHayalon mein
tujh ko aawaz umr bhar di hai

Ahmad Mushtaq

---

---

guzre hazar baadal palkon ke sae sae
utre hazar suraj ek shah-nashin-e-dil pa

Ahmad Mushtaq

---

---

hum apni dhup mein baiThe hain 'mushtaq'
hamare sath hai saya hamara

Ahmad Mushtaq

---

---

hum un ko soch mein gum dekh kar wapas chale aae
wo apne dhyan mein baiThe hue achchhe lage hum ko

Ahmad Mushtaq

---

---

hamara kya hai jo hota hai ji udas bahut
to gul tarashte hain titliyan banate hain

Ahmad Mushtaq

---

---

hijr ek waqfa-e-bedar hai do nindon mein
wasl ek KHwab hai jis ki koi tabir nahin

Ahmad Mushtaq

---

---