main tha sadiyon ke safar mein 'ahmad'
aur sadiyon ka safar tha mujh mein
Ahmad Khayal
ye bhi teri shikast nahin hai to aur kya
jaisa tu chahta tha main waisa nahin bana
Ahmad Khayal
ye bhi ejaz mujhe ishq ne baKHsha tha kabhi
us ki aawaz se main dip jala sakta tha
Ahmad Khayal
wo zahr hai fazaon mein ki aadmi ki baat kya
hawa ka sans lena bhi muhaal kar diya gaya
Ahmad Khayal
wo sar uThae yahan se palaT gaya 'ahmad'
main sar jhukae khaDa hun sawal aisa tha
Ahmad Khayal
wo de raha tha talab se siwa sabhi ko 'KHayal'
so main ne daman-e-dil aur kuchh kushada kiya
Ahmad Khayal
tu jo ye jaan hatheli pe liye phirta hai
tera kirdar kahani se nikal sakta hai
Ahmad Khayal
tumhaari jit mein pinhan hai meri jit kahin
tumhaare samne har bar haarta hua main
Ahmad Khayal
sukut toDne ka ehtimam karna chahiye
kabhi-kabhaar KHud se bhi kalam karna chahiye
Ahmad Khayal