mere kashkol mein Dal aur zara ijz ki main
itni KHairaat se aage nahin jaane wala

Ahmad Khayal

---

---

ain mumkin hai ki binai mujhe dhoka de
ye jo shabnam hai sharara bhi to ho sakta hai

Ahmad Khayal

---

---

mahakte phul sitare damakta chand dhanak
tere jamal se kitnon ne istifada kya

Ahmad Khayal

---

---

koi to dasht samundar mein Dhal gaya aaKHir
kisi ke hijr mein ro ro ke bhar gaya tha main

Ahmad Khayal

---

---

koi hairat hai na is baat ka rona hai hamein
KHak se uTThe hain so KHak hi hona hai hamein

Ahmad Khayal

---

---

kisi darwesh ke hujre se abhi aaya hun
so tere hukm ki tamil nahin karni mujhe

Ahmad Khayal

---

---

hawa ke hath pe chhaale hain aaj tak maujud
mere charagh ki lau mein kamal aisa tha

Ahmad Khayal

---

---

dil kisi bazm mein jate hi machalta hai 'KHayal'
so tabiat kahin be-zar nahin bhi hoti

Ahmad Khayal

---

---

dasht mein wadi-e-shadab ko chhu kar aaya
main khuli-ankh hasin KHwab ko chhu kar aaya

Ahmad Khayal

---

---