kisi ko KHwab mein aksar pukarte hain hum
'ata' isi liye sote mein honT hilte hain

Ahmad Ata

---

---

kisi buzurg ke bose ki ek nishani hai
hamare mathe pe thoDi si raushni hai na

Ahmad Ata

---

---

hamari umr se baDh kar ye bojh Dala gaya
so hum baDon se buzurgon ki tarah milte hain

Ahmad Ata

---

---

hum ne awwal to kabhi us ko pukara hi nahin
aur pukara to pukara bhi sadaon ke baghai

Ahmad Ata

---

---

hum bahakte hue aate hain tere darwaze
tere darwaze bahakte hue aate hain hum

Ahmad Ata

---

---

hum aastan-e-KHuda-e-suKHan pe baiThe the
so kuchh saliqe se ab zindagi tabah karen

Ahmad Ata

---

---

hum aaj hanste hue kuchh alag dikhai diye
ba-waqt-e-girya hum aise the, sare jaise hain

Ahmad Ata

---

---

hanste hanste ho gaya barbaad main
KHush-dili aisi bhi hoti hai bhala

Ahmad Ata

---

---

agh-e-hawas mein kuchh nahin dil hai to KHushnuma hai dil
aag lagaegi talab hoga ye KHas tabah-kun

Ahmad Ata

---

---