اب جو پتھر ہے آدمی تھا کبھی
اس کو کہتے ہیں انتظار میاں

افضل خان

---

---

بنا رکھی ہیں دیواروں پہ تصویریں پرندوں کی
وگرنہ ہم تو اپنے گھر کی ویرانی سے مر جائیں

افضل خان

---

---

بھاؤ تاؤ میں کمی بیشی نہیں ہو سکتی
ہاں مگر تجھ سے خریدار کو نا کیسے ہو

افضل خان

---

---

بچھڑنے کا ارادہ ہے تو مجھ سے مشورہ کر لو
محبت میں کوئی بھی فیصلہ ذاتی نہیں ہوتا

افضل خان

---

---

چھوڑ کر مجھ کو ترے صحن میں جا بیٹھا ہے
پڑ گئی جیسے ترے سایۂ دیوار میں جان

افضل خان

---

---

دالان میں سبزہ ہے نہ تالاب میں پانی
کیوں کوئی پرندہ مری دیوار پہ اترے

افضل خان

---

---

ڈبو رہا ہے مجھے ڈوبنے کا خوف اب تک
بھنور کے بیچ ہوں دریا کے پار ہوتے ہوئے

افضل خان

---

---

ہمارا دل ذرا اکتا گیا تھا گھر میں رہ رہ کر
یونہی بازار آئے ہیں خریداری نہیں کرنی

افضل خان

---

---

ہمارے سانس بھی لے کر نہ بچ سکے افضل
یہ خاکدان میں دم توڑتے ہوئے سگریٹ

افضل خان

---

---