shikast-e-zindagi waise bhi maut hi hai na
tu sach bata ye mulaqat aaKHri hai na

Afzal Khan

---

---

tu bhi sada hai kabhi chaal badalta hi nahin
hum bhi sada hain isi chaal mein aa jate hain

Afzal Khan

---

---

teri masnad pe koi aur nahin aa sakta
ye mera dil hai koi KHali asami to nahin

Afzal Khan

---

---

tere jaane se zyaada hain na kam pahle the
hum ko lahaq hain wahi ab bhi jo gham pahle the

Afzal Khan

---

---

tabhi to main mohabbat ka hawalati nahin hota
yahan apne siwa koi mulaqati nahin hota

Afzal Khan

---

---

sathiyo ab mujhe raste mein utarna hoga
Dubti naw bachane ka nahin hal koi au

Afzal Khan

---

---

parinde laD hi paDe jaedad par aaKHir
shajar pe likkha hua hai shajar barae-faroKHt

Afzal Khan

---

---

tu mujhe tang na kar a dil-e-awara-mizaj
tujh ko is shahr mein lana hi nahin chahiye tha

Afzal Khan

---

---

saza-e-maut pe fariyaad se to behtar hai
gale laga ke kahun dar ko mubarak baad

Afzal Khan

---

---