mil gain aapas mein do nazren ek aalam ho gaya
jo ki hona tha so kuchh ankhiyon mein baham ho gaya

Abroo Shah Mubarak

---

---

mehrab-e-abruwan kun wasma hua hai zewar
kyun kar kahen na un kun ab zinatul-masajid

Abroo Shah Mubarak

---

---

main nibal tanha na is duniya ki sohbat sin hua
rustamon kun kar diya hai na-tawan inzal nin

Abroo Shah Mubarak

---

---

malum ab hua hai aa hind bich hum kun
lagte hain dil-baran ke lab rang-e-pan se kya KHu

Abroo Shah Mubarak

---

---

kyun teri thoDi si garmi sin pighal jawe hai jaan
kya tu nen samjha hai aashiq is qadar hai mom ka

Abroo Shah Mubarak

---

---

kyun na aa kar us ke sunne ko karen sab yar bhiD
'abru' ye reKHta tu nin kaha hai dhum ka

Abroo Shah Mubarak

---

---

kyun malamat is qadar karte ho be-hasil hai ye
lag chuka ab chhuTna mushkil hai us ka dil hai ye

Abroo Shah Mubarak

---

---

kyun kar baDa na jaane munkir nape ko apne
inkar us ka nana aur shaiKH hai nawasa

Abroo Shah Mubarak

---

---

kya sabab tere badan ke garm hone ka sajan
aashiqon mein kaun jalta tha gale kis ke laga

Abroo Shah Mubarak

---

---