ki jaise kunj-e-chaman se saba nikalti hai
tere liye mere dil se dua nikalti hai

Abrar Ahmad

---

---

kahin koi charagh jalta hai
kuchh na kuchh raushni rahegi abhi

Abrar Ahmad

---

---

har lae hain hum aankh mein rakhne ko muqabil
ek KHwab-e-tamanna teri ghaflat ke baraba

Abrar Ahmad

---

---

jo bhi yakja hai bikharta nazar aata hai mujhe
jaane yun hai bhi ki aisa nazar aata hai mujhe

Abrar Ahmad

---

---

jis kaam mein hum ne hath Dala
wo kaam muhaal ho gaya hai

Abrar Ahmad

---

---

har ruKH hai kahin apne KHad-o-KHal se bahar
har lafz hai kuchh apne maani se ziyaada

Abrar Ahmad

---

---

har ek aankh mein hoti hai muntazir koi aankh
har ek dil mein kahin kuchh jagah nikalti hai

Abrar Ahmad

---

---

hum yaqinan yahan nahin honge
ghaaliban zindagi rahegi abhi

Abrar Ahmad

---

---

hum apni rah pakaDte hain dekhte bhi nahin
ki kis Dagar pe ye KHalq-e-KHuda nikalti hai

Abrar Ahmad

---

---