hamein to is liye ja-e-namaz chahiye hai
ki hum wajud se bahar qayam karte hain

Abbas Tabish

---

---

hijr ko hausla aur wasl ko fursat darkar
ek mohabbat ke liye ek jawani kam hai

Abbas Tabish

---

---

ek mohabbat hi pe mauquf nahin hai 'tabish'
kuchh baDe faisle ho jate hain nadani mein

Abbas Tabish

---

---

iltijaen kar ke mangi thi mohabbat ki kasak
be-dili ne yun gham-e-nayab wapas kar diya

Abbas Tabish

---

---

is ka matlab hai yahan ab koi aaega zarur
dam nikalna chahta hai KHair-maqdam ke liye

Abbas Tabish

---

---

ishq kar ke bhi khul nahin paya
tera mera muamla kya hai

Abbas Tabish

---

---

jhonke ke sath chhat gai dastak ke sath dar gaya
taza hawa ke shauq mein mera to sara ghar gaya

Abbas Tabish

---

---

KHub itna tha ki diwar pakaD kar nikla
us se milne ke liye surat-e-saya gaya main

Abbas Tabish

---

---

kuchh to apni gardanen kaj hain hawa ke zor se
aur kuchh apni tabiat mein asar miTTi ka hai

Abbas Tabish

---

---