sab sitare dilasa dete hain
chand raaton ko chiKHta hai bahut

Alok Mishra

---

---

aas kya ab to umid-e-na-ummidi bhi nahin
kaun de mujh ko tasalli kaun bahlae mujhe

Amirullah Tasleem

---

---

hum ko na mil saka to faqat ek sukun-e-dil
ai zindagi wagarna zamane mein kya na tha

Azad Ansari

---

---

hum to kuchh der hans bhi lete hain
dil hamesha udas rahta hai

Bashir Badr

---

---

KHuda ki itni baDi kaenat mein main ne
bas ek shaKHs ko manga mujhe wahi na mila

Bashir Badr

---

---

kar raha tha gham-e-jahan ka hisab
aaj tum yaad be-hisab aae

Faiz Ahmad Faiz

---

---

na jaane kis liye ummid-war baiTha hun
ek aisi rah pe jo teri rahguzar bhi nahin

Faiz Ahmad Faiz

---

---