tujhe kuchh ishq o ulfat ke siwa bhi yaad hai ai dil
sunae ja raha hai ek hi afsana barson se

Abdul Majeed Salik

---

---

andheri raat ko main roz-e-ishq samjha tha
charagh tu ne jalaya to dil bujha mera

Abdul Rahman Ehsan Dehlvi

---

---

ye dagh-e-ishq jo miTta bhi hai chamakta bhi hai
ye zaKHm hai ki nishan hai mujhe nahin malum

Abrar Ahmad

---

---

ishq ki saf manin namazi sab
'abru' ko imam karte hain

Abroo Shah Mubarak

---

---

ishq ke mazmun the jin mein wo risale kya hue
ai kitab-e-zindagi tere hawale kya hue

Abu Mohammad Sahar

---

---

ah-e-ishq-o-wafa bhi kucha-o-bazar ho jaise
kabhi jo ho nahin pata wo sauda yaad aata hai

Abu Mohammad Sahar

---

---

'sahar' ab hoga mera zikr bhi raushan-dimaghon mein
mohabbat nam ki ek rasm-e-beja chhoD di main ne

Abu Mohammad Sahar

---

---