oz milne pe bhi lagta tha ki jug bit gae
ishq mein waqt ka ehsas nahin rahta hai

Ahmad Mushtaq

---

---

tu ne hi to chaha tha ki milta rahun tujh se
teri yahi marzi hai to achchha nahin milta

Ahmad Mushtaq

---

---

hari duniya mein faqat mujh se nigahen na chura
ishq par bas na chalega teri danai ka

Ahmad Nadeem Qasmi

---

---

kuchh khel nahin hai ishq karna
ye zindagi bhar ka rat-jaga hai

Ahmad Nadeem Qasmi

---

---

kahin ye apni mohabbat ki intiha to nahin
bahut dinon se teri yaad bhi nahin aai

Ahmad Rahi

---

---

tang aa gaya hun wusat-e-mafhum-e-ishq se
nikla jo harf munh se wo afsana ho gaya

Ahsan Marahravi

---

---

jis ko hum ne chaha tha wo kahin nahin is manzar mein
jis ne hum ko pyar kiya wo samne wali murat hai

Aitbar Sajid

---

---