safir-e-ishq hamein ab to hum safar kar lo
hamare pas to saman bhi ziyaada nahin
Vipul Kumar
itna hairan na ho meri ana par pyare
ishq mein bhi kai KHuddar nikal aate hain
Vipul Kumar
kuchh is liye bhi teri aarzu nahin hai mujhe
main chahta hun mera ishq jawedani ho
Vipul Kumar
main to shab-e-firaq tha tum ek umr thi
phir bhi ziyaada tum se guzara gaya mujhe
Vipul Kumar
mujh se kab us ko mohabbat thi magar mere baad
us ne jis shaKHs ko chaha wo mere jaisa tha
Vipul Kumar
us hijr pe tohmat ki jise wasl ki zid ho
us dard pe lanat ki jo ashaar mein aa jae
Vipul Kumar
wo ek hath baDhaega tujh ko pa lega
so dekh sabr ka elan bhi ziyaada nahin
Vipul Kumar
use to daulat-e-duniya bhi kam bhi pane ko
meri to zat ka mizan bhi ziyaada nahin
Vipul Kumar
is se pahle ki ye aazar gawara kar len
aa meri jaan mohabbat se kinara kar len
Vipul Kumar