itna hairan na ho meri ana par pyare
ishq mein bhi kai KHuddar nikal aate hain

Vipul Kumar

---

---

ab ke masrufiyat-e-ishq bahut hai hum ko
tum chale jao to fursat se guzara kar len

Vipul Kumar

---

---

ek roz khel khel mein hum us ke ho gae
aur phir tamam umr kisi ke nahin hue

Vipul Kumar

---

---

ek lamha-e-firaq pe wara gaya mujhe
kaisi hasin sham mein mara gaya mujhe

Vipul Kumar

---

---

ek din teri gali mein mujhe le gai hawa
aur phir tamam umr mujhe DhunDhti rahi

Vipul Kumar

---

---

har mulaqat pe sine se lagane wale
kitne pyare hain mujhe chhoD ke jaane wale

Vipul Kumar

---

---

hamin ne hashr uTha rakkha hai bichhaDne par
wo jaan-e-jaan to pareshan bhi ziyaada nahin

Vipul Kumar

---

---

dilon pe dard ka imkan bhi ziyaada nahin
wo sabr hai abhi nuqsan bhi ziyaada nahin

Vipul Kumar

---

---

dil bhi ajib KHana-e-wahdat-pasand tha
is ghar mein ya to tu raha ya be-dili rahi

Vipul Kumar

---

---