ai ham-nafas na puchh jawani ka majra
mauj-e-nasim thi idhar aai udhar gai

Tilok Chand Mahroom

---

---

aql ko kyun bataen ishq ka raaz
ghair ko raaz-dan nahin karte

Tilok Chand Mahroom

---

---

aad-e-tark-e-arzu baiTha hun kaisa mutmain
ho gai aasan har ek mushkil ba-asani meri

Tilok Chand Mahroom

---

---

a-zahir garm hai bazar-e-ulfat
magar jins-e-wafa kam ho gai hai

Tilok Chand Mahroom

---

---

ura ho ulfat-e-KHuban ka ham-nashin hum to
shabab hi mein bura apna haal kar baiThe

Tilok Chand Mahroom

---

---

dam-e-gham-e-hayat mein uljha gai umid
hum ye samajh rahe the ki ehsan kar gai

Tilok Chand Mahroom

---

---

dil ke talib nazar aate hain hasin har jaanib
us ke lakhon hain KHaridar ki mal achchha hai

Tilok Chand Mahroom

---

---

dil mein kahte hain ki ai kash na aae hote
un ke aane se jo bimar ka haal achchha hai

Tilok Chand Mahroom

---

---

fikr-e-maash o ishq-e-butan yaad-e-raftagan
in mushkilon se ahd-barai na ho saki

Tilok Chand Mahroom

---

---