ab zamane mein mohabbat hai tamashe ki tarah
is tamashe se bahalta nahin tu bhi main bhi

Tauqeer Taqi

---

---

adan mein dil tha muallaq KHala mein nazren thin
magar kahin kahin sine mein dard zinda tha

Tauqeer Taqi

---

---

adan mein ruh ki tarsil karne wale log
badal gae mujhe tabdil karne wale log

Tauqeer Taqi

---

---

daman bacha rahe the ki chehra bhi jal gaya
kis aag se guzar ke teri raushni mein aae

Tauqeer Taqi

---

---

hamari rah mein baiThegi kab tak teri duniya
kabhi to is zuleKHa ki jawani KHatm hogi

Tauqeer Taqi

---

---

hijr tha bar-e-amanat ki tarah
so ye gham aaKHiri hichki se uTha

Tauqeer Taqi

---

---

in sulagti hui sanson ko nahin dekhte log
aur samajhte hain ki jalta nahin tu bhi main bhi

Tauqeer Taqi

---

---

jaise viran haweli mein hon KHamosh charagh
ab guzarti hain tere shahr mein shamen aisi

Tauqeer Taqi

---

---

kal jahan diwar hi diwar thi
ab wahan dar hai jabin hai ishq hai

Tauqeer Taqi

---

---