lafz ki qaid se riha ho ja
aa meri aankh se ada ho ja

Tauqeer Taqi

---

---

main tere hijr se niklunga to mar jaunga
hae wo log jo mehwar se nikal jate hain

Tauqeer Taqi

---

---

phenk de KHushk phul yaadon ke
zid na kar tu bhi be-wafa ho ja

Tauqeer Taqi

---

---

uTh kar aankh ke andar se nikal jate hain
ashk bachchon ki tarah ghar se nikal jate hain

Tauqeer Taqi

---

---

sabz peDon ko pata tak nahin chalta shayad
zard patte bhare manzar se nikal jate hain

Tauqeer Taqi

---

---

yahin aana hai bhaTakti hui aawazon ko
yani kuchh baat to hai koh-e-nida mein aisi

Tauqeer Taqi

---

---

zar ka banda ho ki mahrumi ka mara hua shaKHs
jis ko dekho wahi auqat se nikla hua hai

Tauqeer Taqi

---

---