mere honTon pe KHamushi hai bahut
in gulabon pe titliyan rakh de

Shakeel Azmi

---

---

jab talak us ne hum se baaten kin
jaise phulon ke darmiyan the hum

Shakeel Azmi

---

---

KHud ko itna bhi na bachaya kar
barishen hon to bhig jaya ka

Shakeel Azmi

---

---

kuchh dinon ke liye manzar se agar haT jao
zindagi bhar ki shanasai chali jati hai

Shakeel Azmi

---

---

main so raha hun tere KHwab dekhne ke liye
ye aarzu hai ki aankhon mein raat rah jae

Shakeel Azmi

---

---

phir yun hua thakan ka nasha aur baDh gaya
aankhon mein Dubta hua jada laga hamein

Shakeel Azmi

---

---

zamin le ke wo aae to ghar banaya jae
khaDe hain der se hum log inT gare liye

Shakeel Azmi

---

---

tumhaare dard se le kar hamare aansu tak
baDi tawil kahani hai aag pani ki

Shakeel Azmi

---

---

jaane kaisa rishta hai rahguzar ka qadmon se
thak ke baiTh jaun to rasta bulata hai

Shakeel Azmi

---

---