ab mujhe bolna nahin paDta
ab main har shaKHs ki pukar mein hun

Shahid Zaki

---

---

abhi to pahle paron ka bhi qarz hai mujh par
jhijak raha hun nae par nikalta hua main

Shahid Zaki

---

---

in mange mil raha ho to KHwahish fuzul hai
suraj se raushni ki guzarish fuzul hai

Shahid Zaki

---

---

main aap apni maut ki tayyariyon mein hun
mere KHilaf aap ki sazish fuzul hai

Shahid Zaki

---

---

main badalte hue haalat mein Dhal jata hun
dekhne wale adakar samajhte hain mujhe

Shahid Zaki

---

---

main to KHud bikne ko bazar mein aaya hua hun
aur dukan-dar KHaridar samajhte hain mujhe

Shahid Zaki

---

---

phalon ke sath kahin ghonsle na gir jaen
KHayal rakhta hun patthar uchhaalta hua main

Shahid Zaki

---

---

aushni banTta hun sarhadon ke par bhi main
ham-watan is liye ghaddar samajhte hain mujhe

Shahid Zaki

---

---

yar bhi rah ki diwar samajhte hain mujhe
main samajhta tha mere yar samajhte hain mujhe

Shahid Zaki

---

---