aa gaya tha ek din lab par jafaon ka gila
aaj tak jab un se milte hain to sharmate hain hum

Shafiq Jaunpuri

---

---

fareb-e-raushni mein aane walo main na kahta tha
ki bijli aashiyane ki nigahban ho nahin sakti

Shafiq Jaunpuri

---

---

ishq ki ibtida to jaante hain
ishq ki intiha nahin malum

Shafiq Jaunpuri

---

---

jala wo shama ki aandhi jise bujha na sake
wo naqsh ban ki zamana jise miTa na sake

Shafiq Jaunpuri

---

---

kamal-e-ashiqi har shaKHs ko hasil nahin hota
hazaron mein koi majnun koi farhad hota hai

Shafiq Jaunpuri

---

---

kashti ka zimmedar faqat naKHuda nahin
kashti mein baiThne ka saliqa bhi chahiye

Shafiq Jaunpuri

---

---

tujhe hum dopahar ki dhup mein dekhenge ai ghunche
abhi shabnam ke rone par hansi malum hoti hai

Shafiq Jaunpuri

---

---