aah karta hun to aati hai palaT kar ye sada
aashiqon ke waste bab-e-asar khulta nahin

Sehr Ishqabadi

---

---

ek hum hain raat bhar karwaT badalte hi kaTi
ek wo hain din chaDhe tak jin ka dar khulta nahin

Sehr Ishqabadi

---

---

guzarne ko to guzre ja rahe hain rah-e-hasti se
magar hai karwan apna na mir-e-karwan apna

Sehr Ishqabadi

---

---

husn ka har KHayal raushan hai
ishq ka muddaa kise malum

Sehr Ishqabadi

---

---

pahli si lazzaten nahin ab dard-e-ishq mein
kyun dil ko main ne zulm ka KHugar bana diya

Sehr Ishqabadi

---

---

teri jafa wafa sahi meri wafa jafa sahi
KHun kisi ka bhi nahin to ye bata hai kya shafaq

Sehr Ishqabadi

---

---

wo dard hai ki dard sarapa bana diya
main wo mariz hun jise isa bhi chhoD de

Sehr Ishqabadi

---

---