aaghaz-e-mohabbat se anjam-e-mohabbat tak
ik aag ka dariya hai aur Dub ke jaana hai

Sarwar Alam Raz

---

---

aarzu hasrat aur ummid shikayat aansu
ek tera zikr tha aur bich mein kya kya nikla

Sarwar Alam Raz

---

---

aashiqi ki KHair ho 'sarwar' ki ab is shahr mein
waqt wo aaya hai bande bhi KHuda hone lage

Sarwar Alam Raz

---

---

ayan qissa-e-bechaargi kiya jae
jo dil ki rah gai dil mein use kaha jae

Sarwar Alam Raz

---

---

e-kaif jawani hai be-dard zamana hai
nakaam-e-mohabbat ka itna hi fasana hai

Sarwar Alam Raz

---

---

dekh ye jazb-e-mohabbat ka karishma to nahin
kal jo tere dil mein tha wo aaj mere dil mein hai

Sarwar Alam Raz

---

---

kam-ayari ne KHuda-soz banaya aisa
but to sab yaad rahe ek KHuda bhul gae

Sarwar Alam Raz

---

---

shauq hai tujh ko zamane mein tera nam rahe
aur mujhe Dar hai mohabbat meri bad-nam na ho

Sarwar Alam Raz

---

---

tu ne kab ishq mein achchha bura socha 'sarwar'
kaise mumkin hai ki tera bura anjam na ho

Sarwar Alam Raz

---

---