ek kar-e-muhaal kar raha hun
zinda hun kamal kar raha hun

Sarshar Siddiqui

---

---

main ne ibaadaton ko mohabbat bana diya
aankhen buton ke sath rahin dil KHuda ke sath

Sarshar Siddiqui

---

---

meri talab mein takalluf bhi inkisar bhi tha
wo nukta-sanj tha sab mere hasb-e-haal diya

Sarshar Siddiqui

---

---

na-mustajab itni duaen huin ki phir
mera yaqin bhi uTh gaya rasm-e-dua ke sath

Sarshar Siddiqui

---

---

nind TuTi hai to ehsas-e-ziyan bhi jaga
dhup diwar se aangan mein utar aai hai

Sarshar Siddiqui

---

---

'sarshaar' main ne ishq ke mani badal diye
is aashiqi mein pahle na tha wasl ka chalan

Sarshar Siddiqui

---

---

ujDe hain kai shahar, to ye shahar basa hai
ye shahar bhi chhoDa to kidhar jaoge logo

Sarshar Siddiqui

---

---