aaj bhi hai wahi maqam aaj bhi lab pe un ka nam
manzil-e-be-shumar-gam apne safar ko kya karun

Salik Lakhnavi

---

---

apni KHuddari salamat dil ka aalam kuchh sahi
jis jagah se uTh chuke hain us jagah phir jaen kya

Salik Lakhnavi

---

---

ahaar-e-gulistan hum ko na pahchane tajjub hai
gulon ke ruKH pe chhiDka hai bahut KHun-e-jigar hum ne

Salik Lakhnavi

---

---

chaha tha Thokaron mein guzar jae zindagi
logon ne sang-e-rah samajh kar haTa diya

Salik Lakhnavi

---

---

dhuan deta hai daman-e-mohabbat
in aankhon se koi aansu gira hai

Salik Lakhnavi

---

---

dil ne sine mein kuchh qarar liya
jab tujhe KHub sa pukar liya

Salik Lakhnavi

---

---

jo teri bazm se uTTha wo is tarah uTTha
kisi ki aankh mein aansu kisi ke daman mein

Salik Lakhnavi

---

---

kahi kisi se na rudad-e-zindagi main ne
guzar dene ki shai thi guzar di main ne

Salik Lakhnavi

---

---

khanak jate hain jab saghar to pahron kan bajte hain
are tauba baDi tauba-shikan aawaz hoti hai

Salik Lakhnavi

---

---