nigah-e-shauq se lakhon bana Dale hain dar hum ne
qafas mein bhi nahin mani shikaste-baal-o-par hum ne

Salik Lakhnavi

---

---

manzil na mili kashmakash-e-ahl-e-nazar mein
is bhiD se main apni nazar le ke chala hun

Salik Lakhnavi

---

---

miT chuke jo bhi the tauba-shikani ke asbab
ab na mai-KHana na paimana na shisha na subu

Salik Lakhnavi

---

---

naKHuda Dubne walon ki taraf muD ke na dekh
na karenge na kinaron ki tamanna ki hai

Salik Lakhnavi

---

---

nazar se dekh to saqi ek aaina banaya hai
shikasta shisha-o-saghar ke TukDe joD kar hum ne

Salik Lakhnavi

---

---

nigah-e-mehr kahan ki wo barhami bhi gai
main dosti ko jo roya to dushmani bhi gai

Salik Lakhnavi

---

---

ye bhi ek raat kaT hi jaegi
subh-e-farda ki muntazir hai nigah

Salik Lakhnavi

---

---

zindan mein aachanak hai ye kya shor-e-salasil
ye 'salik'-e-bebak ka matam to nahin hai

Salik Lakhnavi

---

---

yunhi insanon ke shahron mein mila apna wajud
kisi virane mein ek phul khila ho jaise

Salik Lakhnavi

---

---