aankh tumhaari mast bhi hai aur masti ka paimana bhi
ek chhalakte saghar mein mai bhi hai mai-KHana bhi

Saghar Nizami

---

---

aao ek sajda karun aalam-e-bad-samti mein
log kahte hain ki 'saghar' ko KHuda yaad nahin

Saghar Nizami

---

---

DhunDhne ko tujhe o mere na milne wale
wo chala hai jise apna bhi pata yaad nahin

Saghar Nizami

---

---

dil ki barbaadiyon ka rona kya
aise kitne hi waqiat hue

Saghar Nizami

---

---

gul apne ghunche apne gulsitan apna bahaar apni
gawara kyun chaman mein rah ke zulm-e-baghban kar len

Saghar Nizami

---

---

husn ne dast-e-karam khinch liya hai kya KHub
ab mujhe bhi hawas-e-lazzat-e-azar nahin

Saghar Nizami

---

---

kafir gesu walon ki raat basar yun hoti hai
husn hifazat karta hai aur jawani soti hai

Saghar Nizami

---

---

KHiraman KHiraman moattar moattar
nasim aa rahi hai ki wo aa rahe hain

Saghar Nizami

---

---

nazar karam ki farawaniyon pe paDti hai
phir apne daman-e-KHaki ko dekhta hun main

Saghar Nizami

---

---