sailab-e-tabassum se darman-e-jarahat kar
TukDe dil-e-bismil ke aaluda-e-KHun kab tak

Saghar Nizami

---

---

sajde meri jabin ke nahin is qadar haqir
kuchh to samajh raha hun tere aastan ko main

Saghar Nizami

---

---

taKHliq andheron se kiye hum ne ujale
har shab ko ek aiwan-e-sahar hum ne banaya

Saghar Nizami

---

---

tere naghmon se hai rag rag mein tarannum paida
ishrat-e-ruh hai zalim teri aawaz nahin

Saghar Nizami

---

---

wo meri KHak-nashini ke maze kya jaane
jo meri tarah teri rah mein barbaad nahin

Saghar Nizami

---

---

wo sawal-e-lutf par patthar na barsaen to kyun
un ko parwa-e-shikast-e-kasa-e-sail nahin

Saghar Nizami

---

---

yahi sahba yahi saghar yahi paimana hai
chashm-e-saqi hai ki mai-KHane ka mai-KHana hai

Saghar Nizami

---

---