apni duniya to bana li thi riya-karon ne
mil gaya KHuld bhi allah ko phuslane se

Nazm tabaa-tabaa.ii

---

---

asiri mein bahaar aai hai fariyaad-o-fughan kar len
nafas ko KHun-fishan kar len qafas ko bostan kar len

Nazm tabaa-tabaa.ii

---

---

ichhaD ke tujh se mujhe hai umid milne ki
suna hai ruh ko aana hai phir badan ki taraf

Nazm tabaa-tabaa.ii

---

---

dard-e-dil se ishq ke be-pardagi hoti nahin
ek chamak uThti hai lekin raushni hoti nahin

Nazm tabaa-tabaa.ii

---

---

dil is tarah hawa-e-mohabbat mein jal gaya
bhaDki kahin na aag na uTTha dhuan kahin

Nazm tabaa-tabaa.ii

---

---

jo ahl-e-dil hain alag hain wo ahl-e-zahir se
na main hun shaiKH ki jaanib na barhaman ki taraf

Nazm tabaa-tabaa.ii

---

---

kaba o but-KHana aarif ki nazar se dekhiye
KHwab donon ek hi hain farq hai tabir mein

Nazm tabaa-tabaa.ii

---

---

kiya hai us ne har ek se visal ka wada
is ishtiyaq mein marna zaruri hota hai

Nazm tabaa-tabaa.ii

---

---

loTte rahte hain mujh par chahne walon ke dil
warna yun poshak teri malgaji hoti nahin

Nazm tabaa-tabaa.ii

---

---