achpan mein aakash ko chhuta sa lagta tha
is pipal ki shaKHen ab kitni nichi hain

Muzaffar Hanfi

---

---

jab sarabon pe qanaat ka saliqa aaya
ret ko hath lagaya to wahin pani thi

Muzaffar Hanfi

---

---

kanTon mein rakh ke phul hawa mein uDa ke KHak
karta hai sau tarah se ishaare mujhe koi

Muzaffar Hanfi

---

---

khilte hain dil mein phul teri yaad ke tufail
aatish-kada to der hui sard ho gaya

Muzaffar Hanfi

---

---

mere tikhe sher ki qimat dukhti rag par kari choT
chikni chupDi ghazlen be-shak aap KHariden sone se

Muzaffar Hanfi

---

---

mujh se mat bolo main aaj bhara baiTha hun
cigarette ke donon paikeT bilkul KHali hain

Muzaffar Hanfi

---

---

oti hui ek bhiD mere gird khaDi thi
shayad ye tamasha mere hansne ke liye tha

Muzaffar Hanfi

---

---

shikast kha chuke hain hum magar aziz fateho
hamare qad se kam na ho faraaz-e-dar dekhna

Muzaffar Hanfi

---

---

siwae mere kisi ko jalne ka hosh kab tha
charagh ki lau buland thi aur raat kam thi

Muzaffar Hanfi

---

---