aankh jhuk jati hai jab band-e-qaba khulte hain
tujh mein uThte hue KHurshid ki uryani hai

Mustafa Zaidi

---

---

dil ke rishte ajib rishte hain
sans lene se TuT jate hain

Mustafa Zaidi

---

---

gham-e-dauran ne bhi sikhe gham-e-jaanan ke chalan
wahi sochi hui chaalen wahi be-saKHta-pan

Mustafa Zaidi

---

---

ek mauj-e-KHun-e-KHalq thi kis ki jabin pe thi
ek tauq-e-fard-e-jurm tha kis ke gale mein tha

Mustafa Zaidi

---

---

inhin pattharon pe chal kar agar aa sako to aao
mere ghar ke raste mein koi kahkashan nahin hai

Mustafa Zaidi

---

---

is tarah hosh ganwana bhi koi baat nahin
aur yun hosh se rahne mein bhi nadani hai

Mustafa Zaidi

---

---

ishq in zalimon ki duniya mein
kitni mazlum zat hai ai dil

Mustafa Zaidi

---

---

jis din se apna tarz-e-faqirana chhuT gaya
shahi to mil gai dil-e-shahana chhuT gaya

Mustafa Zaidi

---

---

KHud apne shab-o-roz guzar jaenge lekin
shamil hai mere gham mein teri dar-badari bhi

Mustafa Zaidi

---

---