'mohsin' bure dinon mein naya dost kaun ho
hai jis ka pahla qarz usi se sawal ka

Mohsin Asrar

---

---

jis din ke guzarte hi yahan raat hui hai
ai kash wo din main ne guzara nahin hota

Mohsin Asrar

---

---

jis lafz ko main toD ke KHud TuT gaya hun
kahta bhi to wo us ko gawara nahin hota

Mohsin Asrar

---

---

KHud ko main bhala zer-e-zamin kaise dabaata
jitne bhi khanDar nikle wo aabaad se nikle

Mohsin Asrar

---

---

kya zamana tha ki hum KHub jacha karte the
ab to mange ki si lagti hain qabaen apni

Mohsin Asrar

---

---

main baiTh gaya KHak pe taswir banane
jo kibr the mujh mein wo teri yaad se nikle

Mohsin Asrar

---

---

teri hi tarah aata hai aaankhon mein tera KHwab
sachcha nahin hota kabhi jhuTa nahin hota

Mohsin Asrar

---

---

wo majburi maut hai jis mein kase ko buniyaad mile
pyas ki shiddat jab baDhti hai Dar lagta hai pani se

Mohsin Asrar

---

---

tu KHud bhi jagta rah aur mujh ko bhi jagata rah
nahin to zindagi ko dusra qissa pakaD lega

Mohsin Asrar

---

---