azmat-e-kaba musallam hai magar but-kada mein
ek aaram ye kaisa hai ki kuchh dur nahin

Mirza Mayal Dehlvi

---

---

dil kya nigah-e-mast se mai-KHana ban gaya
mazmun-e-ashiqana bhi rindana ban gaya

Mirza Mayal Dehlvi

---

---

iman jae ya rahe jo ho bala se ho
ab to nazar mein wo but-e-kafir sama gaya

Mirza Mayal Dehlvi

---

---

ishq bhi kya chiz hai sahal bhi dushwar hai
un ko idhar dekhna mujh ko udhar dekhna

Mirza Mayal Dehlvi

---

---

mail ko jaante bhi ho hazrat hain ek rind
kya e'tibar aap ke roze namaz ka

Mirza Mayal Dehlvi

---

---

manen jo meri baat muridan-e-be-riya
den shaiKH ko kafan to Dubo kar sharab mein

Mirza Mayal Dehlvi

---

---

milen kisi se to bad-nam hon zamane mein
abhi gae hain wo mujh ko suna ke parde mein

Mirza Mayal Dehlvi

---

---

mujhe kafir hi batata hai ye waiz kam-baKHt
main ne bandon mein kai bar KHuda ko dekha

Mirza Mayal Dehlvi

---

---

na kaba hi tajalli-gah Thahraya na but-KHana
laDana KHub aata hai tumhein shaiKH o barahman ko

Mirza Mayal Dehlvi

---

---