aaya payam-e-wasl yakayak jo yar ka
malum ye hua ki gae din zawal ke

Mirza Maseeta Beg Muntahi

---

---

asir kar ke hamein hukm de gaya sayyaad
qafas ho tang to un ke na baal-o-par rakhna

Mirza Maseeta Beg Muntahi

---

---

azan de ke naqus ko phunk kar
tujhe har tarah kab pukara nahin

Mirza Maseeta Beg Muntahi

---

---

aad marne ke Thikane lag gai miTTi meri
KHak se aashiq ki kya kya yar ke saghar bane

Mirza Maseeta Beg Muntahi

---

---

aal khole nahin phirta hai agar wo saffak
phir kaho kyun mujhe aashufta-sari rahti hai

Mirza Maseeta Beg Muntahi

---

---

osa jo manga bazm mein farmaya yar ne
ye din dahaDe aae hain pagDi utarne

Mirza Maseeta Beg Muntahi

---

---

duniya ka mal muft mein chakhne ke waste
hath aaya KHub shaiKH ko hila namaz ka

Mirza Maseeta Beg Muntahi

---

---

hai daulat-e-husn pas tere
deta nahin kyun zakat is ki

Mirza Maseeta Beg Muntahi

---

---

hai KHushi apni wahi jo kuchh KHushi hai aap ki
hai wahi manzur jo kuchh aap ko manzur ho

Mirza Maseeta Beg Muntahi

---

---