kaun leta tha nam majnun ka
jab ki ahd-e-junun hamara tha

Mir Taqi Mir

---

---

jo tujh bin na jine ko kahte the hum
so is ahd ko ab wafa kar chale

Mir Taqi Mir

---

---

kabe mein jaan-ba-lab the hum duri-e-butan se
aae hain phir ke yaro ab ke KHuda ke han se

Mir Taqi Mir

---

---

kaam the ishq mein bahut par 'mir'
hum hi farigh hue shitabi se

Mir Taqi Mir

---

---

kasa-e-chashm le ke jun nargis
hum ne didar ki gadai ki

Mir Taqi Mir

---

---

kaha main ne gul ka hai kitna sabaat
kali ne ye sun kar tabassum kiya

Mir Taqi Mir

---

---

kahte to ho yun kahte yun kahte jo wo aata
ye kahne ki baaten hain kuchh bhi na kaha jata

Mir Taqi Mir

---

---

kaun kahta hai na ghairon pe tum imdad karo
hum faramoshiyon ko bhi kabhu yaad karo

Mir Taqi Mir

---

---

kisu se dil nahin milta hai ya rab
hua tha kis ghaDi un se juda main

Mir Taqi Mir

---

---