aankhen hain magar KHwab se mahrum hain 'midhat'
taswir ka rishta nahin rangon se zara bhi

Midhat-ul-Akhtar

---

---

hum ko usi dayar ki miTTi hui aziz
naqshe mein jis ka nam-pata ab nahin raha

Midhat-ul-Akhtar

---

---

jaane wale mujhe kuchh apni nishani de ja
ruh pyasi na rahe aankh mein pani de ja

Midhat-ul-Akhtar

---

---

jism us ki god mein ho ruh tere ru-ba-ru
fahisha ke garm bistar par riya-kari karun

Midhat-ul-Akhtar

---

---

KHwabon ki tijarat mein yahi ek kami hai
chalti hai dukan KHub kamai nahin deti

Midhat-ul-Akhtar

---

---

kuch karne ki ghaDi hai magar ai ham-safro
hum udhar ja nahin sakte jidhar sab gae hain

Midhat-ul-Akhtar

---

---

lai hai kahan mujh ko tabiat ki do-rangi
duniya ka talabgar bhi duniya se KHafa bhi

Midhat-ul-Akhtar

---

---

main ne sahil se use Dubte dekha tha faqat
mujhe gharqab karega yahi manzar us ka

Midhat-ul-Akhtar

---

---

mere wajud mein shamil rahe hain kitne wajud
to phir ye kaise kahun jo kiya kiya main ne

Midhat-ul-Akhtar

---

---