sahal ho garche adu ko magar us ka milna
itna main KHub samajhta hun ki aasan to nahin

Meer Mehdi Majrooh

---

---

talib-e-dost alag rahte hain sab se un ko
pas-e-asnam nahin KHwahish-e-islam nahin

Meer Mehdi Majrooh

---

---

suna haal-e-dil-e-'majruh' shab ko
koi hasrat si hasrat thi bayan mein

Meer Mehdi Majrooh

---

---

shauq se shauq hai kuchh manzil ka
rahbar se bhi baDhe jate hain

Meer Mehdi Majrooh

---

---

shaghl-e-ulfat ko jo ahbab bura kahte hain
kuchh samajh mein nahin aata ki ye kya kahte hain

Meer Mehdi Majrooh

---

---

nae fitne jo uThte hain jahan mein
salahen sab ye lete hain tumhin se

Meer Mehdi Majrooh

---

---

na to sayyaad ka khaTka na KHizan ka dhaDka
hum ko wo chain qafas mein hai ki bustan mein nahin

Meer Mehdi Majrooh

---

---

na us ke lab ko faqat lal kah ke KHatm karo
abhi to us mein bahut si hai guftugu baqi

Meer Mehdi Majrooh

---

---

tarashshoh han kare jis ki nahin par
meri sau jaan tasadduq us nahin pa

Meer Mehdi Majrooh

---

---