nigah o dil ke pas ho wo mera aashna rahe
hawas hai ya ki ishq hai ye kaun sochta rahe
Mazhar Imam
hamein wo hamin se juda kar gaya
baDa zulm is mehrbani mein tha
Mazhar Imam
jab hum tera nam na lenge
wo bhi ek zamana hoga
Mazhar Imam
kaha ye sab ne ki jo war the usi par the
magar ye kya ki badan chur chur mera tha
Mazhar Imam
kis samt ja raha hai zamana kaha na jae
ukta gae hain log fasana kaha na jae
Mazhar Imam
na itni dur jaiye ki log puchhne lagen
kisi ko dil ki kya KHabar ye hath to mila rahe
Mazhar Imam
tu na hoga to kahan ja ke jalunga shab bhar
tujh se hi garmi-e-mahfil hai mera sath na chhoD
Mazhar Imam
wo mera jab na ho saka to phir yahi saza rahe
kisi ko pyar jab karun wo chhup ke dekhta rahe
Mazhar Imam
us ghar ki badaulat mere sheron ko hai shohrat
wo ghar ki jo is shahr mein badnam bahut hai
Mazhar Imam