نگاہ و دل کے پاس ہو وہ میرا آشنا رہے
ہوس ہے یا کہ عشق ہے یہ کون سوچتا رہے

مظہر امام

---

---

ہمیں وہ ہمیں سے جدا کر گیا
بڑا ظلم اس مہربانی میں تھا

مظہر امام

---

---

جب ہم تیرا نام نہ لیں گے
وہ بھی ایک زمانا ہوگا

مظہر امام

---

---

کہا یہ سب نے کہ جو وار تھے اسی پر تھے
مگر یہ کیا کہ بدن چور چور میرا تھا

مظہر امام

---

---

کس سمت جا رہا ہے زمانہ کہا نہ جائے
اکتا گئے ہیں لوگ فسانہ کہا نہ جائے

مظہر امام

---

---

نہ اتنی دور جائیے کہ لوگ پوچھنے لگیں
کسی کو دل کی کیا خبر یہ ہاتھ تو ملا رہے

مظہر امام

---

---

تو نہ ہوگا تو کہاں جا کے جلوں گا شب بھر
تجھ سے ہی گرمئ محفل ہے مرا ساتھ نہ چھوڑ

مظہر امام

---

---

وہ میرا جب نہ ہو سکا تو پھر یہی سزا رہے
کسی کو پیار جب کروں وہ چھپ کے دیکھتا رہے

مظہر امام

---

---

اس گھر کی بدولت مرے شعروں کو ہے شہرت
وہ گھر کہ جو اس شہر میں بد نام بہت ہے

مظہر امام

---

---