in aansuon ka koi qadr-dan mil jae
ki hum bhi 'mir' ka diwan le ke aae hain

Manzar Bhopali

---

---

ye kirdaron ke gande aaine apne hi ghar rakhiye
yahan par kaun kitna parsa hai hum samajhte hain

Manzar Bhopali

---

---

ye ashk tere mere raegan na jaenge
unhin charaghon se raushan mohabbaten hongi

Manzar Bhopali

---

---

unhin pe sare masaib ka bojh rakkha hai
jo tere shahr mein iman le ke aae hain

Manzar Bhopali

---

---

safar ke bich ye kaisa badal gaya mausam
ki phir kisi ne kisi ki taraf nahin dekha

Manzar Bhopali

---

---

koi taKHliq ho KHun-e-jigar se janm leti hai
kahani likh nahin sakte kahani mangne wale

Manzar Bhopali

---

---

KHud ko poshida na rakkho band kaliyon ki tarah
phul kahte hain tumhein sab log to mahka karo

Manzar Bhopali

---

---

kamanon mein khinche hain tir talwaren hain chamki
zara Thahro kahan jate ho dariya dekhne ko

Manzar Bhopali

---

---

jo parsa ho to kyun imtihan se Darte ho
hum e'tibar ka mizan le ke aae hain

Manzar Bhopali

---

---