aandhiyan zor dikhaen bhi to kya hota hai
gul khilane ka hunar baad-e-saba jaanti hai

Manzar Bhopali

---

---

ek makan aur bulandi pe banane na diya
hum ko parwaz ka mauqa hi hawa ne na diya

Manzar Bhopali

---

---

idhar to dard ka pyala chhalakne wala hai
magar wo kahte hain ye dastan kuchh kam hai

Manzar Bhopali

---

---

hamare dil pe jo zaKHmon ka bab likkha hai
isi mein waqt ka sara hisab likkha hai

Manzar Bhopali

---

---

din bhi Duba ki nahin ye mujhe malum nahin
jis jagah bujh gae aankhon ke diye raat hui

Manzar Bhopali

---

---

ap bojh Dhota tha kya jahez de pata
is liye wo shahzadi aaj tak kunwari hai

Manzar Bhopali

---

---

ab samajh lete hain miThe lafz ki kaDwahaTen
ho gaya hai zindagi ka tajraba thoDa bahut

Manzar Bhopali

---

---

aap hi ki hai adalat aap hi munsif bhi hain
ye to kahiye aap ke aib-o-hunar dekhega kaun

Manzar Bhopali

---

---

aankh bhar aai kisi se jo mulaqat hui
KHushk mausam tha magar TuT ke barsat hui

Manzar Bhopali

---

---